Khit Thit သတင်းဌာန၏ ဇန်နဝါရီ ၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၄ ရက် မနက်ပိုင်းတင်ဆက်ပေးမယ့်သတင်းတွေကတော့ - မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) တပ်မဟာ ၆၁၁ မှာ ဇန်နဝါရီလ ၁ ရက်နေ့က သင်တန်းဆင်းပွဲ ကျင်းပပြီး အရာရှိနဲ့ စစ်သည် ၁၂၂၈ ဦး သင်တန်းတက်ရောက်ခဲ့တယ်လို့ MNDAA က တရားဝင် သတင်းထုတ်ပြန်ပါတယ်။ - ကရင်နီပြည်နယ်၊ လွိုင်ကော်လေဆိပ်ကို ရှော့တိုက်ဒုံးနဲ့ ပစ်ခတ်ခံရတဲ့အတွက် လေဆိပ်ဝင်းစောင့် ရဲ တစ်ဦး ထိမှန်ဒဏ်ရာရရှိခဲ့တယ်လို့ ရန်ကုန်ခေတ်သစ်ရဲ့သတင်းရင်းမြစ်တွေဆီကသိရပါတယ်။ - ပဲခူးတိုင်း၊ အုတ်ဖိုမြို့ လဝကရုံးကို မြို့ပြပြောက်ကျားတပ်ဖွဲ့က ဖောက်ခွဲတိုက်ခိုက်ခဲ့တယ်လို့ Bago Region PDF တပ်ဖွဲ့ဆီက သိရပါတယ်။ - မကွေးတိုင်း၊ မြိုင်မြို့နယ်၊ မြိုင်ရဲစခန်းက ရဲတပ်သား မြတ်စိုးကျော်နဲ့ မျိုးမင်းသိန်းတိုနဲ့ အတူ အမျိုးသမီးတချို့ အရက်အတူသောက်ပြီး ဆေးခတ်ကာ လက်နက် ၁ လက်နဲ့ ကျည်တွေ ယူဆောင်ပြီး မြိုင် ပကဖဆီကို လာရောက် အပ်နှံခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
